258

REGISTRES DU BUREAU

[i5₇i]

ralles et parlicullieres, tant au Temple, les Tournelles, Nesle, le Pré aux Clercs, que aultres lieux d'icelle Ville, visiter leurs armes et habitz pour l'effect dessusdict.

[29. — Préparatifs des Enfants de Paris.]

22 janvier 1571. (A, fol. 107 ^r°; --» -⁰'- ²-'² ^v°-)

Et pour le regard desd. Enffans de cested. Ville qui doibvent assister èsd. entrées à cheval, mesdictz sieurs se seroient reservez à y avoir l'œil, auroient iceulx mandez par plusieurs et diverses fois, lant au Bureau de lad. Ville, où ilz les avoient faict signer led. roolle, et après auroient esté mandez en l'hostel dud. Desprez, leur cappitaine, où ilz leur avoient donné à disner en l'Arsenac ou grange d'icelle Ville, à Charenton, que aultres lieux, où ilz leur auroient aussi donnez les collations et faictes toutes les courtoisies et congratullations qu'il leur a esté possible, affin de les veoir faire dresser et picquer leurs chevaulx, et en fin les rendre dignes de se'¹' presenter devant l'excellence de Leurs Majestez.

Aulx fins que dessus ont esté expédiez mandemens aux seize Quarteniers de ladicte Ville, l'ung d'iceulx cy transcript :

tt De par les Prevost des Marchans et Eschevins de la ville de Paris.

"Mathurin de Beausse, Quartenier de lad. Ville, nous vous mandons que vous ayez à faire sçavoir à tous les bourgeois de vostre quartier, enroollez pour aller à la compaignie de la cavallerie de ceste Ville, soubz la charge du cappitaine Desprez, pour l'entrée du Roy et de la Royne, qu'ilz aient à eulx tenir prestz, leur faisant sçavoir que l'entrée du Roy se fera le dix neufviesme jour de Febvrier, et l'entrée de la Royne le vingt ungniesme jour dudict mois, et affin qu'il n'y aict faulte, qu'ilz ayent à tenir chacun leur cheval et habillement prestz. De quoy vous nous certiffierez, pour nous estre monstrez ou à l'ung de nous, dedans le temps quc nous vous le ferons sçavoir. Vous enjoignant de veoir à l'œil la dilligence qu'ilz y feront, affin de pourveoir aux deffaillans.

"Faict au Bureau, le vingt deuxiesme jour de Janvier, mil cinq cens soixante et unze, n

[30. — La Ville décide qu'elle fera les frais qui incombent au capitaine desprez.]

22 janvier 1571. (A, fol. 107 ^v°î --» fol. 2 53 v°.)

Cc jour d'huy vingt deuxiesme jour de Janvier mil cinq cens soixante et unze, Messieurs les Prevost des Marchans et Eschevins de la Ville de Paris, estans assemblez au Bureau de ladicte Ville, pour adviser et rechercher tous les expediens à eulx possibles de accellerer et dilligenler les preparatifz necessaires pour la joyeuse entrée du Roy et de la Royne en ceste Ville, qui se doibt faire dedans trois sepmaines ou environ, étayant mis en consideration que, pour cest effect, ilz auroient mandez, longtemps avoit, audict Bureau les sieurs Daubray, Parent et Desprez, nommez, choisiz et esleuz par la meilleure partie de ceulx des Enffans de cested. Ville qui doibvent assister èsd. entrées, lesquelz s'en seroient très instamment excusez, asscavoir lesd. Daubray et Parent pour les grands et notables affaires qu'ilz ont, tant en ceste Ville que hors icelle, et ledict Desprez pour n'avoir biens et facultez suffizans, pour satisfaire aux fraiz et despences qu'il y convient faire, offrant neantmoings, pour son debvoir pour ce faire, sa personne et trois ou quatre beaulx chevaulx qu'il avoict; et qu'il ne s'est trouvé aulcun aultre qui aict voullu prandre la charge à ses fraiz; consideré aussy les bonnes et louables meurs, dextérité, vertuz et experience dudict Desprez, tant en l'art militaire que intelligence ès lettres latine, françoise, espagnolle et itallianne, a esté ordonné que ledict Desprez sera retenu et le retiennent mesd. sieurs pour faire led. estat et charge de cappitaine et chef desd. Enffans de Paris; et en ce faisant, que lad. Ville fera tous et chacuns les fraiz requis et necessaires pour l'effect dessusdict (->, hors mis de chevaulx que led. Desprez sera tenu fournir et soy garnir, tant pour luy que ses gens.

Et après avoir faict le calcul desd, fraiz et despense, qui se sont trouvez monter à la somme de dix huict cens à deulx mil livres tournois, a esté ordonné que acquict sera expedié à noble homme m^e Françoys de Vigny, Recepveur de lad. Ville, pour le payement d'iceulx fraiz, mises et despenses, à prandre sur les deniers ordonnez pour lesd, entrées. Et ce qui sera sur ce payé, luy sera alloué en ses comptes de lad. entrée, où il appartiendra.

'" For. nde eulx presenter 3 (B).

⁽⁵' On a vu qu'un marché fut-passé, le même jour, c'est-à-dire le 22 janvier, avec un armurier de la rue de la Heaumerie, pour l'achat d'une armure destinée au capitaine Desprez, moyennant la somme de 260 écus soleil (ci-dessus, p. a4g, n° 15).